Dr. Radwa Farghaly

الصحة النفسية لا تقاس فقط بقدرتنا على النجاح في الحياة ومكاسبنا منها .. وإنما كمان بقدرتنا على تحمل الخسائر ومواجهة الإحباط ..  أنت قوي نفسيا بنجاحاتك وفرحك بها .. وبخسائرك وتحملك لفاتورتها وثمنها الكبير أحيانا .. وبإرادتك على تخطيها إما بتحويلها لنجاح أو بالتوافق معاها .. لا تجعل الخسارات تهزم روحك أو تقمع الأمل داخلك أو تاخدك في سكة الهزيمة النفسية والتوقف عن مواصلة الحياة. علم أطفالك إن الخسارة ممكن تعلمنا أكتر من المكسب .. وإن الفشل بيدينا قوة ودروس يمكن أكتر من النجاح .. وإن الوجع بيدفعنا للعلاج .. المهم نتعلم من تجاربنا سواء في اللعب أو في الدراسة أو في العمل أو في العلاقات .. ونعرف أسباب وظروف الفشل والخسارة ونتعلم منها ونحاول نصححها ونكمل طريقنا.

الحياة هي المتع الصغيرة جدا .. والقدرة على الاستمتاع بالحياة، موهبة ونعمة .. وممكن تكتسبها لو حبيت .. ممكن شخص يقول: دا كلام نظري، بالعكس أنا باقول دا من واقع خبرتي المهنية .. في العيادة باشوف ناس كتير من كل المستويات، فيهم الغني جدا وفاقد للمتعة .. وفيهم صاحب السلطة ومش قادر يستمتع .. زي ما فيهم المتوسط الحال أو الفقير. ضحكة ابنك الصغير في وجهك صباحا .. لعب طفلتك على كتفيك مساء .. تأملك لمنظر جميل أو حتى شجرة طارحة .. فرحتك بلمة العيلة .. ضحكة صافية من ال ... قلب من شريك حياتك أو شخص عزيز عليك .. أكلة حلوة من إيد والدتك .. دعوة جميلة من لسان أمك ووجهها البشوش .. مذاكرتك ونجاحك .. عملك وقدرتك على حماية ولادك أو المسئولين منك .. صدقة تعطيها لمحتاج .. أو فعل جميل لشخص قصدك في مساعدة .. إبتسامة شخص فقير أو مسكين قدرت تسعده بكلمة أو تصرف .. قعدة بسيطة على شط البحر أو تمشية على كورنيش النيل .. سهراية وكوباية شاي وفضفضة مع حد بتحبه وتثق فيه .. مشاهدة فيلم لطيف مع صديق أو صديقة .. ملابس جديدة اشتريتها .. هدية جاتلك أو إنت اعطيتها لشخص عزيز. السعادة التي نبحث عنها طول العمر قد تكون بين إي...