موهبة الاستمتاع بالحياة
الحياة هي المتع الصغيرة جدا .. والقدرة على الاستمتاع بالحياة، موهبة ونعمة .. وممكن تكتسبها لو حبيت .. ممكن شخص يقول: دا كلام نظري، بالعكس أنا باقول دا من واقع خبرتي المهنية .. في العيادة باشوف ناس كتير من كل المستويات، فيهم الغني جدا وفاقد للمتعة .. وفيهم صاحب السلطة ومش قادر يستمتع .. زي ما فيهم المتوسط الحال أو الفقير.
ضحكة ابنك الصغير في وجهك صباحا .. لعب طفلتك على كتفيك مساء .. تأملك لمنظر جميل أو حتى شجرة طارحة .. فرحتك بلمة العيلة .. ضحكة صافية من ال...قلب من شريك حياتك أو شخص عزيز عليك .. أكلة حلوة من إيد والدتك .. دعوة جميلة من لسان أمك ووجهها البشوش .. مذاكرتك ونجاحك .. عملك وقدرتك على حماية ولادك أو المسئولين منك .. صدقة تعطيها لمحتاج .. أو فعل جميل لشخص قصدك في مساعدة .. إبتسامة شخص فقير أو مسكين قدرت تسعده بكلمة أو تصرف .. قعدة بسيطة على شط البحر أو تمشية على كورنيش النيل .. سهراية وكوباية شاي وفضفضة مع حد بتحبه وتثق فيه .. مشاهدة فيلم لطيف مع صديق أو صديقة .. ملابس جديدة اشتريتها .. هدية جاتلك أو إنت اعطيتها لشخص عزيز.
السعادة التي نبحث عنها طول العمر قد تكون بين إيدينا، تحت أرجلنا، حوالينا، ولا نشعر بها لأننا نملكها .. وغالبا النفس تزهد ما تملكه اليد للأسف .. إحنا دايما نتخيل إن الأشياء العظيمة بعيدة ومحتاجة جهد وعمر ومال كتير، في حين إنها ممكن تكون قريبة جدا، قريبة لدرجة إننا لا نحسها لأنها متاحة، والإنسان دايما بينسى المتاح ويفكر في المفقود .. ما بينسى جسده كله ويلح عليه الجزء المصاب منه فقط .. ينسى النعم اللي حاصل عليها ويفكر في اللي محروم منها .. وهي دي سبب الأسى والتعاسة والمرض النفسي.
ودا مش معناه أبدا عدم الطموح أو الاتكال أو الرضا السلبي بالمقسوم .. لا .. لكن معناه نستمتع بما حققناه وأعطاه لنا الله .. وفي نفس الوقت نسعى للأحسن ولتطوير حياتنا لكن من غير ما نفقد شغفنا بالحياة ومحبتنا لأنفسنا .. السعادة هي التفاصيل الحلوة الصغيرة بس لو ركزنا فيها بإيجابية.
ضحكة ابنك الصغير في وجهك صباحا .. لعب طفلتك على كتفيك مساء .. تأملك لمنظر جميل أو حتى شجرة طارحة .. فرحتك بلمة العيلة .. ضحكة صافية من ال...قلب من شريك حياتك أو شخص عزيز عليك .. أكلة حلوة من إيد والدتك .. دعوة جميلة من لسان أمك ووجهها البشوش .. مذاكرتك ونجاحك .. عملك وقدرتك على حماية ولادك أو المسئولين منك .. صدقة تعطيها لمحتاج .. أو فعل جميل لشخص قصدك في مساعدة .. إبتسامة شخص فقير أو مسكين قدرت تسعده بكلمة أو تصرف .. قعدة بسيطة على شط البحر أو تمشية على كورنيش النيل .. سهراية وكوباية شاي وفضفضة مع حد بتحبه وتثق فيه .. مشاهدة فيلم لطيف مع صديق أو صديقة .. ملابس جديدة اشتريتها .. هدية جاتلك أو إنت اعطيتها لشخص عزيز.
السعادة التي نبحث عنها طول العمر قد تكون بين إيدينا، تحت أرجلنا، حوالينا، ولا نشعر بها لأننا نملكها .. وغالبا النفس تزهد ما تملكه اليد للأسف .. إحنا دايما نتخيل إن الأشياء العظيمة بعيدة ومحتاجة جهد وعمر ومال كتير، في حين إنها ممكن تكون قريبة جدا، قريبة لدرجة إننا لا نحسها لأنها متاحة، والإنسان دايما بينسى المتاح ويفكر في المفقود .. ما بينسى جسده كله ويلح عليه الجزء المصاب منه فقط .. ينسى النعم اللي حاصل عليها ويفكر في اللي محروم منها .. وهي دي سبب الأسى والتعاسة والمرض النفسي.
ودا مش معناه أبدا عدم الطموح أو الاتكال أو الرضا السلبي بالمقسوم .. لا .. لكن معناه نستمتع بما حققناه وأعطاه لنا الله .. وفي نفس الوقت نسعى للأحسن ولتطوير حياتنا لكن من غير ما نفقد شغفنا بالحياة ومحبتنا لأنفسنا .. السعادة هي التفاصيل الحلوة الصغيرة بس لو ركزنا فيها بإيجابية.
